Ибрагимович янги мавсумни қайси жамоада ўтказиши маълум бўлди

Швециялик ҳужумчи Златан Ибрагимович “Милан”да ўйнашда давом этади. Бу ҳақда Football Italia хабар бермоқда.

Юқоридаги манбага кўра, 39 ёшли футболчи тез орада “россонерилар” билан амалдаги шартномасини 2021/22 йилги мавсум охиригача узайтирмоқчи. Янги келишувга кўра Златаннинг маоши 7 млн еврони ташкил этади.

Ибрагимович жорий мавсум А Серияда 14 та ўйинда майдонга тушди ва рақиблари дарвозасига 14 та гол урди.