Игорь Сергеев фаолиятини қаерда давом эттириши ҳал бўлди!

Игорь Сергеев икки йилдан бери фаолиятини Қозоғистон премьер-лигасида муваффақиятли давом эттирмоқда.

“Пахтакор” тарбияланувчиси 2021 йилнинг февралида “Актобе” таклифини қабул қилиб, қўшни мамлакат чемпионатига кўчиб ўтган эди. Ушбу клуб сафида ярим мавсумда 18 та учрашувда рақиблар дарвозасини етти маротаба ишғол қилган ҳамюртимиз кейинчалик “Тобол” сафига қўшилди.

6391ec6988d3c

2021 йилги мавсум ва “Тобол” варианти тажрибали ҳужумчимиз учун омадли бўлди. Игорь Сергеев кустанайликлар сафида ҳам тўпурарлик қобилиятини намойиш қилиб, мавсумдаги голлари сонини 11 тага етказди. Тўпурарлар пойгасида учинчи ўринни эгаллади. Энг муҳими, “Тобол” билан Қозоғистон чемпиони бўлди.

Қозоғистондаги биринчи мавсумида икки жамоа таркибида майдонга тушган Сергеев чемпионат ва кубок баҳсларида 34 та учрашувда 15 та гол ва иккита ассист қайд этди.

2022 йилги мавсум ҳам ҳар ҳолда ёмон кечмади. “Тобол” чемпионлик унвонини сақлаб қола олмаган бўлса-да, бу гал бронза медаль билан кифояланди. Ўзбекистонлик ҳужумчи чемпионат давомида Премьер-Лига, Конференциялар лигаси саралаш турнири, Қозоғистон кубоги ва Суперкубогида жами 33 та учрашувда қатнашиб, 13 та гол ва иккита ассист муаллифи бўлди.  Шунингдек, Европа Чемпионлар лигасининг саралаш турнирида қатнашиб, “кўҳна қитъа”нинг энг нуфузли турнирида голлари ҳисобини очишга муваффақ бўлди.

Айни пайтда Қозоғистон клублари янги мавсумга тайёргарлик кўрмоқда. Чемпионат якунланганидан кейин лиганинг энг кучли ҳужумчиларидан ҳисобланган Игорь Сергеевга Россия Премьер-лигасидан чорловлар бўлаётгани ҳақида маълумот тарқатилди. Оммавий ахборот воситалари ўзбекистонлик легионер Москванинг “Торпедо” клуби билан музокара олиб бораётгани ҳақида ёзди.

Бироқ, сўнгги маълумотларга қараганда, Игорь Сергеев фаолиятини “Тобол” клубида давом эттирадиган бўлди.

Ҳамюртимиз Туркияда ўқув-машғулот йиғинини ўтказаётган кустанайликлар сафига бориб қўшилди. Бу ҳақда клуб матбуот хизмати хабар тарқатди.

e29ZFPRw8ho

Бундан аввал, Игорь Сергеевнинг агенти футболчининг жамоа билан яна бир йиллик шартномаси борлиги ва у “Тобол”да қолишини таъкидлаган эди.

29 ёшли форвард Қозоғистон Премьер-лигасига қадар Ўзбекистон, Бирлашган Араб Амирликлари, Хитой чемпионатларида тўп тепган. У ўзи ўйнаган барча мамлакатлар чемпионатларида тўп киритишга муваффақ бўлган.

Игорь Сергеев Ўзбекистон миллий терма жамоаси ҳужумчиси ҳисобланади. Легионеримиз мамлакатимиз бош жамоасида 67 маротаба майдонга тушиб, 19 та гол урган.

Қозоғистон миллий чемпионатида янги мавсумда Игорь Сергеевдан ташқари терма жамоамизнинг яна бир ҳужумкор футболчиси – Шаҳбоз Умаров ҳам иштирок этади. Истеъдодли ўйинчимиз “Ордабаси” клуби билан шартнома тузган.

162_51e29d1d091f1b4d2586980c83061e60

Демак, ўзбекистонлик футбол ишқибозлари Қозоғистон ПРемьер-лигасида “Тобол” ва “Ордабаси” клубларига мухлислик қилиши кутилмоқда.

Шомуродовнинг “Специя”даги дебютини қачон кўрамиз?

Ўруновни пул “синдирди”!

 

Фикрлар

Фикр қолдириш учун авторизациядан ўтинг!