Iguain "Tottenxem"ga qarshi bahsgacha sog‘aymoqchi
“Yuventus” klubi forvardi Gonsalo Iguain hamon jamoaning umumiy guruh mashg‘ulotlarida ishtirok etmayapti.
La Gazzetta dello Sport nashri tarqatgan xabarga ko‘ra argentinalik to‘purar katta ehtimol bilan A Seriyaning navbatdagi turida “Latsio”ga qarshi bo‘lib o‘tadigan bahsni o‘tkazib yuboradi. Biroq, “keksa sinora” murabbiylar shtabi Iguainni 7 mart kuni Londonda “Tottenxem”ga qarshi bo‘lib o‘tadigan Chempionlar ligasi 1/8 final javob bahsida maydonga tushishiga umid qilishmoqda.
Ma’lumot uchun, 30 yoshli futbolchi joriy mavsum jami 35ta o‘yinda ishtirok etib, o‘z hisobiga 20ta gol yozdirib qo‘yishga erishgan.
Fikrlar