Икарди келган жойига қайтиши мумкин

"Ювентус", "Милан" ва "Рома" клублари ПСЖ ҳужумчиси Мауро Икардининг хизматларига жиддий қизиқиш билдира бошлади. Бу ҳақда Calciomercato нашри хабар тарқатмоқда.

Юқоридаги манбага кўра, А Серия грандлари 28 ёшли аргентиналик футболчини шу ёзда таркибга қўшиб олишни режалаштирмоқда. Ўз навбатида Париж клуби ҳам Икардини сотиб юборишга тайёр, фақат унинг учун камида 40 миллион евро талаб қилмоқчи.

Икарди якунланган мавсум ПСЖда жами 28 та ўйинда майдонга тушди. У ушбу учрашувларда ўз ҳисобига 13 та гол ва 6 та голли узатма ёздириб қўйди.

Мауро ПСЖ сафига 2019 йилда “Интер”дан ижара асосида келиб қўшилган ва 2020 йилда тўлиқ шартнома имзолаган эди. Унинг клуб билан амалдаги шартномаси 2024 йилда ўз ниҳоясига етади.