Ikki grand Angliya terma jamoasi oʻyinchisi uchun kurash boshlandi

Angliya premer-ligasining bir qator top-jamoalari yarim himoya chizig‘ini kuchaytirish rejasida. Manbalarga ko‘ra, Londonning «Chelsi» va «Arsenal» klublari «Nottingem» tarkibida to‘p surayotgan 26 yoshli yarim himoyachi Morgan Gibbs-Uayt bilan shartnoma imzolash imkoniyatini o‘rganmoqda. 

Bu haqida Hooligan Soccer nashri xabar berdi.

Nashr ma’lumotiga ko‘ra, futbolchiga bo‘lgan qiziqish faqat londonliklar bilan cheklanmaydi. Gibbs-Uayt xizmatlariga «Manchester Yunayted» va «Nyukasl» ham da’vogarlik sifatida qayd etilgan. Ehtimol, uning yangi jamoaga o‘tishi qishki transfer oynasi davomida amalga oshirilishi mumkin.

Morgan Gibbs-Uayt 2022 yildan buyon «Nottingem» sharafini himoya qilib kelmoqda. U bundan oldin «Vulverxempton» tarkibida o‘ynagan. Joriy mavsumda yarim himoyachi klub safida uchta uchrashuvda maydonga tushdi, bir bor raqib darvozasini ishg‘ol etdi va bir marta golli pas muallifiga aylandi.