Илия Топуриядан нокаутга учраган юлдузлар яна катта саҳнага қайтмоқда

Енгил вазнда амалдаги UFC чемпиони Илия Топурия охирги 3 та жангида – Александр Волкановски, Макс Холлоуэй ва Чарльз Оливейрага қарши октагонга кўтарилиб, уларнинг барчасини  нокаутга учратди. 

Бироқ юқорида номи зикр этилганлар оғир мағлубиятдан сўнг ҳам, ўзларини йўқотиб қўйишмади.

Волкановски Топурия билан баҳсдан кейин ярим енгил вазн тоифасидаги унвонини қайтариб олди ва бир бор ҳимоя қилишга ҳам улгурди.

Холлоуэй Илиядан нокаутга учрагач, Дастин Порье билан беш раундлик супер жангда BMF камарини сақлаб қола олди.

"UFC 317" турнирида Топурия томонидан "ухлатиб қўйилган" Оливейра эса уч ой ичида Матеуш Гамрот билан жанг қилиб, уни 7 дақиқада бўғиб қўйди. Куни кеча бразилиялик "UFC 326" турнирида Максни эзиб ташлагани ҳеч кимга сир эмас.

Энди Илия америкалик Жастин Гэтжини нишонга олмоқда. Ушбу ММА усталари ўртасидаги тўқнашув 14 июнь куни Оқ Уйда бўлиб ўтиши режалаштирилган.