InfinBank - WBC конгрессининг расмий ҳамкори

Бир неча кун давомида Тошкент бутун дунёдан, жаҳон боксининг энг йирик намояндалари йиғиладиган жойга айланади. Бутунжаҳон бокс кенгаши (WBC) конгресси ҳар доимгидек нуфузли спортчилар, мураббийлар ва ташкилотчиларни ушбу спорт турининг келажагини муҳокама қилиш учун бир жойга тўплайди. InfinBank эса ушбу тадбирнинг расмий ҳамкори бўлади.

WBCнинг 61-конгресси 13-17 ноябрь кунлари Тошкент шаҳридаги "Congress Hall"да бўлиб ўтади. Конгрессда жаҳон бокс юлдузлари – Майк Тайсон, Костя Сзю, Эвандер Холифилд, Aмир Хонлар иштирок этади.

InfinBank машҳурлар чемпионлик камари билан эсдалик суратга тушишлари мумкин бўлган, ринг кўринишига келтирилган махсус майдон тайёрлайди. Шунингдек, конгресс давомида иштирокчилар долзарб масалалар ва режаларни муҳокама қиладилар ва ҳар бир вазн тоифасида бўйича унвон ва саралаш жангларини белгилайдилар.

Тошкент навбатдаги бор спорт оламида халқаро ҳамкорликни мустаҳкамлаш майдончасига айланади.

InfinBank ҳар доим соғлом турмуш тарзи ғояларини қўллаб-қувватлайди ва спорт тадбирларининг ўтказилишида мунтазам иштирок этади.