“Интер” 18 ёшли иқтидор эгаси учун 70 млн евродан воз кечади

Миланнинг “Интер” жамоаси раҳбарияти “Монако” ҳужумчиси Килиан Мбаппени сотиб олиш учун 70 млн евродан воз кечишга тайёр, деб хабар бермоқда Tuttosport нашри.

Манбанинг таъкидлашича, “Интер” вакиллари “Монако” клуби расмийлари билан футболчининг трансфери борасида музокараларни бошлаб юборган.

Маълумот учун, Мбаппе ушбу мавсумда “Монако” сафида 34 марта майдонга тушиб, 21та гол ҳамда 11та голли узатмага муаллифлик қилган.

Бундан ташқари, франциялик футболчи ЕЧЛ плей-офф босқичида 3 та гол урган 19 ёшдан кичик биринчи футболчи сифатида қайд этилди.