"Интер" "Челси"га иккинчи таклифни юборди

"Интер" Ромелу Лукакуни тўлиқ сотиб олишга ҳаракат қилмоқда. Клуб "Челси"га иккинчи таклифни юборди. Унга кўра, миланликлар ҳужумчи учун 30 миллион евро ва яна айрим бонуслар тўламоқчи. Бу ҳақда инсайдер Фабрицио Романо хабар берди. 

Лукакуни "Интер"дан ташқари, "Ювентус" ҳам ўз таркибига қўшиб олишни истайди. Туринликлар кетиши мумкин бўлган Душан Влаховичга ўринбосар изламоқда. Шу билан биргаликда, белгиялик футболчига Саудия Арабистонидан таклифлар бор.

Эслатиб ўтамиз, Лукаку 2021 йили "Интер"дан 115 миллион евро эвазига "Челси" сафига бориб қўшилганди.