"Интер" етакчиси билан шартнома узайтирмоқчи

Миланнинг "Интер" клуби Хакан Чалханоглу билан шартнома узайтирмоқчи.

Хабарларга кўра, "нерадзурилар" ярим ҳимоячига  янги шартнома таклиф қилмоқчи. "Интер" 31 ёшли футболчига 2028 йилгача мўлжалланган келишувни режалаштирмоқда. Шунингдек, битимга 2029 йилгача узайтириш имкони ҳам киритилади. Музокаралар яқин кунларда бошланиши мумкин. Туркиялик хавбекнинг "Интер" билан амалдаги шартномаси 2027 йилнинг ёзида якунига етади. Чалханоглунинг хизматларига "Галатасарой" жиддий қизиқиш билдирмоқда.

Маълумот учун, ярим ҳимоячи жорий мавсумда 22та ўйинда майдонга тушиб, 8та гол ва 4та голли узатмани ўз ҳисобига ёздириб қўйган.