"Интер" етакчиси Лаутаро Мартинес жароҳат олиб, сафдан чиқди
"Интер" футболчиси ва жамоа тўпурари бўлиб турган Лаутаро Мартинес жароҳат олиб, сафдан чиқди. Бу ҳақда клуб матбуот хизмати хабар берди.
Маълум бўлишича, аргентиналик ҳужумчи чап сони мушакларини шикастлаб олган. Унинг аҳволи тез орада қайта баҳоланади. Маълум қилинишича, Мартинес А Серия доирасидаги "Лечче" ва "Женоа"га қарши баҳсларда жамоасига ёрдам бера олмайди.
Эслатиб ўтамиз, Лаутаро жорий мавсум А Сериянинг 16 ўйинида 15 гол ва 4 ассист муаллифи бўлди. Шунингдек, у чемпионлар лигасида 6 учрашувда 2 гол уришга муваффақ бўлган.
Фикрлар