“Интер” Куман чақираётган юлдузга кўз тикди

“Интер” Англия премьер-лигасида барқарор ўйин кўрсатаётган Жоржиньо Вейналдумни ўз таркибига олмоқчи.

“Ливерпуль” мутасаддилари нидерландиялик ярим ҳимоячини янги шартномага кўндира олмади. Бу футболчини “Барселона” бош мураббийи Рональд Куман ҳам Каталонияга чақирмоқда.

Футболчининг ўзи ҳаёт тарзини ўзгартириш ва фаолиятини янги босқичга кўтариш мақсадида бошқа клубга ўтишга қарор қилган.

30 ёшли футболчи “Ливерпуль”да барча турнирларда 20 та ўйин ўтказиб, бир марта рақиб дарвозасини ҳам ишғол қилди. Унинг инглизлар билан келишуви ёзда якунланади. Январдан бошлаб, Вейналдум ўзи истаган жамоалар билан музокара ўтказиш ҳуқуқига эга бўлади.