"Интер" ярим финалда

Германиянинг Дюсселдорф шаҳрида УЕФА Европа Лигаси чорак финалидан ўрин олган дастлабки беллашув ўз якунига етди. Унда номинал мезбон "Интер" клуби "Байер" билан куч синашди. Муросасиз кечган беллашув "неррадзурилар"нинг 2-1 ҳисобидаги ғалабаси билан якунланди.

Энди Антонио Конте шогирдлари ярим финалда "Шахтёр" - "Базель" учрашуви ғолибига қарши ўйнайди.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'

  Карим Беллараби рақибга нисбатан хавфли ўйнаган. У майдонга тушгач, кўпроқ зарари тегмоқда.

• 90+'

  Жарима майдонига узатилган тўпга Ханданович ўз вақтида чиқиб келди.

• 90+'

  Йўқ, пенальти бекор қилинди. Жарима майдонида йиқилиб тушган Барелланинг қўлига тўп теккан.

• 90+'
  

  Учрашув асосий вақтига 6 дақиқа қўшиб берилди.

• 90'
  

  Беллараби Эриксенни қўллари билан тортиб йиқитгани учун ҳакам пенальти белгилади.

• 88'
  

  Санчес шифокорлар билан майдонни тарк этмоқда.

• 87'
  

  Лукакунинг оёқларига тепган Тапсоба огоҳлантирилди.

• 86'

  Бендер ўрнига Беллараби майдонга тушди.

• 85'
  

  Леверкузенликлар хавфли қарши ҳужуммини тўхтатган Эриксен сариқ карточка билан жазоланди.

• 85'
  

  Эриксен комбинацион тарзда бурчак зарбасидан фойдаланмоқчи бўлди. Аммо тўп олдирилди.

• 84'

  Лукаку яхши вазиятга чиқиб борди, аммо зарба ўхшамади. Бурчак тўпи.

• 81'
  

  Лукакуга тиббий ёрдам кўрсатилмоқда.

• 80'
  

  Ҳакамга нисбатан ортиқча эътироз билдиргани учун Антонио Конте огоҳлантирилди.

• 79'

  Диабининг узатмасига ҳеч ким ета олмади. Кичиккина тегиниш ушбу тўпни дарвозага олиб кириб қўйиши мумкин эди.

• 76'
  

  Мозес фаол ҳаракатлар билан ўнг қанотдан жарима майдонига кириб борди. Зарбани эса дарвозабон қайтарди.

• 75'

  Эриксенниг ичкарига ҳаволатиб узатган тўпини ҳимоячилар қайтаришди.

• 74'
  

  Ларс Бендер тиббий ёрдам қабул қилмоқда. Уни майдондан олиб чиқиб кетишди.

• 72'

  "Интер" тўп назоратига катта эътибор қаратмоқда.

• 68'
  

  Баумгартлингер ва Синкгравен майдондан олинди. Вендель ва Амири уларнинг ўрнини тўлдиради.

• 66'
  

  Санчес ажойиб тарзда жарима майдони марказида тўп билан таъминланди. Градецки эса ушбу тўпни оёқлари билан қайтарди.

• 64'
  

  Лаутаро ўрнига Санчес майдонга туширилди.

• 62'

  Лаутаронинг узоқдан йўллаган зарбаси ноаниқ кетди.

• 61'
  

  Демирбай "Интер" футболчиларидан тўпни олиб қўйиб, дарвозага зарба йўллади. Ханданович ишончли ҳаракат қилиб, уни қайтарди.

• 59'
  

  Мозес ва Эриксен майдонга тушди. Дамброзио ва Гальярдини уларга ўринларини бўшатиб беришди.

• 59'
  

  Бэйли Паласиос ўрнига майдонга тушди.

• 58'

  Демирбайнинг зарбасини ҳимоячилар қайтарди.

• 56'

  Лукакунинг олисдан берган зарбаси Тапсобага тегиб қайтди.

• 56'
  

  Демирбайнинг бурчак тўпи яна муваффақиятсиз чиқди. Тўп етарли баландликка кўтарилмади.

• 55'

  Хаверцнинг узатмасини ҳимоячилар жарима майдони ичкарисига киришига йўл қўймади.

• 54 '

  Гальярдини ярим майдонни бир ўзи босиб ўтиб, зарба берди. Сўнгги паллада унинг зарбаси йўлини ҳимоячи тўсди.

• 52'

  Лаутаронинг қанотдан ёриб кириб Лукакуга узатган тўпини Градецки қайтариб юборди.

• 51'

  Диаби ажойиб ҳужумни ташкил қилди. Хаверцдан тўпни қабул қилиб олгач, у ўзини ўткир бурчакка тиқиб қўйди. Натижада вазият бесамар якунланди.

• 50'

  Лукаку жамоадошининг зарбаси йўлини тўсиб қўйди. Тўп дарвоза томон кириб кетаётганди.

• 49'

  Лукаку яна гавда устунлиги эвазига олдинга ўтиб кетаётганди. Бироқ у тўпни бироз олдинлатиб юборди.

• 48'
  

  Ларс Бендер ҳужумдаги фол учун огоҳлантирилди.

• 46'

  Иккинчи тайм бошланди!

• 45'
  

  Танаффус! 15 дақиқадан кейин қайтамиз.

• 45+'
  

  Бурчакдан узатилган тўп "Интер" ҳимоячиларига муаммо туғдирмади.

• 45+'
  

  Биринчи бўлимга 1 дақиқа қўшиб берилди.

• 45'

  Демирбай узоқ масофадан рақиб дарвозасига зарба йўллади. Тўп ҳимоячиларга теккан ҳолда, майдонни тарк этди.

• 43'
  

  Синкгравен рақиб оёғини босиб олгани учун огоҳлантирилди.

• 40'
  

  Янг амалга оширган бурчак тўпи ҳеч кимга насиб этмади.

• 38'

  Ўйин темпи бироз пасайгандек. 

• 34'
  

  Бурчак тўпини "неррадзурилар" зарарсизлантиришди.

• 34'

  Диабининг қанотдан узатган тўпига Фолланд кўнгилдагидек зарба бера олмади. Аниқроғи, тўп ҳимоячига тегиб майдон ташқарисига чиқиб кетди.

• 33'

  Та ҳужумда қоидани бузди. Стандард вазият бесамар якунланди.

• 31'
  

  Дамброзио ҳар ерда фаол. Ўзини сал босиб олмаса бўлмайди. Ортиқча фаоллиги сабаб жарима майдони яқинида Диабини йиқитди. Сариқ карточка ҳам ишлаб олди. Хавфли стандард.

• 31'

  Лукакунинг узатмаси Лаутарогача ўтмади.

• 30'

  Лукаку узатган тўпга Дамброзио етиб бора олмади.

• 28'

  Йўқ, пенальти бўлмайди. Тўп елкага теккан.

• 27'

  Ҳакамлар ВАР орқали буни текширишяпти.

• 26'
  

  Нималар бўляпти?! "Интер" пенальти тепади. Дамброзио узатган тўп Синкгравеннинг қўлига тегди.

• 25'
  

  ГОООООООООООООЛЛЛЛЛЛЛЛ!!! Хаверц Фолланд билан ажойиб комбинация яратиб олиб, Ханданович қаршисига чиқиб борди. Дарвозабон ожиз.

• 24'

  Диаби фаоллик эвазига ўзи учун имконият яратиб олди. Унинг зарбаси Годиндан ўтмади.

• 23'
  

  Лукаку бирга-бир вазиятга чиқиб борди. Градецки вазият қаҳрамони. Ажойиб сейв. 

• 21'
  

  ГООООООООООООООООЛЛЛЛЛЛ!!! Лукаку ўз гавдасидан аъло тарзда фойдаланиб, гол уришга муваффақ бўлди. Ҳимоячи уни тўхтатишга ожизлик қилди.

• 20'
  

  Мартинес қанотдан жарима майдонига кириб борди. Орқароқдаги Барелла ўз вақтида тўп билан таъминланди. Зарбани эса ҳимоячи ва дарвозабон бирдек қайтаришди.

• 17'

  Янгнинг қанотдан узатган тўпини ҳимоячилар қайтариб юборишди. 

• 15'
  

  ГООООООООООООООЛЛЛЛЛЛЛЛЛЛ!!! Лукаку гавда курашида ҳимоячини ютиб чиқиб, икки бор зарба берди. Ҳимоячилардан қайтган тўпга Барелла оёғининг ташқи томони билан зарба берди. Ўйин энди қизиқ ўтса керак.

• 14'

  Фолланд яхши вазиятга чиқиб борган эди. Бурчак ўткирлашиб кетди.

• 12'

  Жамоалар навбатма-навбат ҳужумга ўтишмоқда. Бироқ вазиятлар зарбагача етиб бормаяпти.

• 9'

  Лаутаро чалғитувчи ролини аъло даражада ижро этмоқда. Немис клуби ҳимоячилари унга катта эътибор қаратаётганликларини миланликлар сезиб қолган кўринади.

• 6'

  Майдон марказида Лаутаро битта узатма билан Дамброзиони қанотдан қочириб юборди. Унинг тўпга етиб келиб, шерикларига узатган тўпини леверкузенликлар майдон ташқарисига тепиб юборишди.

• 3'

  Жамоалар бир-бирларини ўрганиб олишмоқда. Айтарли вазият йўқ. Бу табиий ҳол. Чунки жавоб баҳси бўлмайди. Бугун ҳаммаси мана шу ерда - Дюсселдорфда ҳал бўлади.

• 1'

  Биринчи дақиқадаёқ "Байер" хатога йўл қўйди. Лукаку тўпни олиб қўйди. Унинг тепган тўпи ҳимоячиларга тегди. Ҳаяжон сезиляпти. Тез орада ўтиб кетса керак. Акс ҳолда, бу леверкузенликларга муаммолар туғдиради.

• 1'
  

  Ўйин бошланди! Иккала жамоага ҳам омад тилаймиз.

• 0'

  Учрашув аввалида жамоалар коронавирус қурбонлари шарафига сукут сақлашди.

• 0'

  Жамоалар майдонга чиқиб келиб улгуришган. Европа Лигаси мадҳияси янграб ўтди. Бугунги ўйинни Карлос Дель Серро Гранде бошқариб боради.

• 0'

  Ассалому алайкум, қадрли футбол мухлислари. Бугун Европа Лигаси чорак финали доирасидаги "Интер" - "Байер" учрашуви бўлиб ўтади. Ушбу беллашувни айнан шу саҳифа орқали матнли тарзда кузатиб боришингиз мумкин. Кетдик!