Исак: "Гол уриш – яхши, лекин энг асосийси – жамоанинг ғалабаси"

"Ливерпуль" ҳужумчиси Александер Исак АПЛдаги илк голи ҳақида фикр билдирди. 13-турда "қизиллар" "Вест Хэм"ни 2:0 ҳисобида мағлуб этди ва ғалаба голи айнан Исак томонидан киритилди.

Исак жамоанинг қайта ғалаба йўлига тушиши муҳим бўлганини таъкидлади:

"Яқиндаги ўйинлардан кейин ғалаба йўлига қайтиш осон бўлмаслигини билардик. Ютганимиздан хурсандман ва албатта, гол урганимдан ҳам хурсандман. Жамоа қийин вазиятдан ўтаётганда, курашиш жуда муҳим. Йигитлар барчасини яхши бажаришди".

Исак АПЛда "Ливерпуль" таркибидаги биринчи голи ҳақида ҳам тўхталиб ўтди:

"Бу анча аввал ҳам содир бўлиши керак эди, мен эса яхши формамни қайта топишга ҳаракат қилдим. Ҳали ҳам шу йўлдаман, лекин гол урганимдан мамнунман.

Энг ёқимли ҳис – бу жамоа ғалабаси. Бу жамоавий руҳни кўтаришнинг энг яхши усули. Албатта, мен ҳужумчи сифатида голлар менга ёрдам беради.

Бу ғалабадан тўғри фойдаланишимиз, хотиржам қолишимиз керак. Концентрацияни йўқотмасдан, меҳнатни давом эттириш зарур. Шунда бу импульсни сақлаб қоламиз", – деди Александер Исак "Sky Sports"га берган интервьюсида.