Ислом Махачев: "Биламан, Оливейра нимадир қўшади. Бироқ..."

Енгил вазн тоифасида (70,3 кг) UFC чемпиони Ислом Махачев 21 октабрь куни БAAнинг Aбу-Даби шаҳрида бўлиб ўтадиган “UFC 294”турнири доирасидаги Чарльз Оливейра билан бўладиган жанги ҳақида сўз юритди.

"Менга чемпионлик ёқади, уни йўқотишни хоҳламайман. Эҳтимол, кимдир мени камроқ машқ қилган деб ўйлар, лекин йўқ, мен янада кўпроқ ишладим. Биламан, Оливейра ниманидир ўзгартиради, нимадир қўшади - биз ҳаммасига тайёр бўлишимиз керак. Чарльзнинг ҳозирча йўқотадиган ҳеч нарсаси йўқ. Эҳтимол, у кўпроқ таваккал қилар. Лекин мен барчасига тайёр бўламан”, - деди Махачев UFCга берган интервьюсида.

Эслатиб ўтамиз, Махачев ва Оливейра ўртасидаги илк жанг ўтган йилнинг октябрь ойида бўлиб ўтган ва иккинчи раундда Махачев бўғиш услуби билан зафар қучганди.