Islom To‘xtaxo‘jaev faoliyatini qaerda davom ettirishini aytdi

O‘tgan yili Xitoy birinchi divizion ishtirokchisi – “Shenyang Urban”  jamoasida to‘p surgan hamyurtimiz Islom To‘xtaxo‘jaevning oxirgi paytlarda “Bunyodkor” klubida shug‘ullanib yurgani haqida xabar bergandik.

Futbolchi o‘tgan mavsumda Xitoydagi chempionat yakuniga etganidan keyin sports.uz saytiga bergan intervyusida bir necha oylab oilasidan uzoqda bo‘lish qiyinchilik tug‘dirgani haqida aytgandi.

Shundan so‘ng, uning klubini o‘zgartirishi mumkinligi xususida gap-so‘zlar ham paydo bo‘lgandi. Ayniqsa, To‘xtaxo‘jaevning “Bunyodkor” klubi mashg‘ulotlarida ma’lum vaqt qatnashib yurgani ham ayrim savollarni keltirib chiqardi. To‘xtaxo‘jaev esa sports.uz uchun o‘zi haqidagi xabarlarga oydinlik kiritdi.

- “Bunyodkor”dan hech qanaqa taklif bo‘lgani yo‘q, shunchaki sport formamni saqlab turish uchun yugurib turibman. Xitoydagi klubim bilan amalda yana shartnomam bor. Hozirgi paytda hujjatlar tayyor bo‘lishini kutyapman. Hammasi hal bo‘lganidan keyin Xitoyga ketaman.