Ispaniya "H" guruhida birinchi o‘rinni egalladi, Kabo-Verde pley-offga chiqdi

Jahon chempionati H guruhida Ispaniya terma jamoasi birinchi o‘rinni egallab, pley-off yo‘llanmasini qo‘lga kiritdi.
⠀
Luis de la Fuente shogirdlari so‘nggi turda Urugvayni 1:0 hisobida mag‘lub etib, uchta o‘yinda 7 ochko jamg‘ardi.
⠀
Guruhda ikkinchi o‘rinni Kabo-Verde egalladi. Afrika vakili musobaqadagi uchala uchrashuvini ham durang bilan yakunladi. So‘nggi turda jamoa Saudiya Arabistoni bilan 0:0 hisobida teng o‘ynadi.
⠀
Urugvay va Saudiya Arabistoni terma jamoalari esa 2 tadan ochko to‘plab, Jahon chempionati bilan xayrlashdi. Urugvay guruhda uchinchi, Saudiya Arabistoni esa to‘rtinchi o‘rinni egalladi.