Испания терма жамоаси ўйинчиси ўзини "Реал"га таклиф қилди

«Атлетик» Бильбао ва Испания терма жамоаси марказий ҳимоячиси Эмерик Лапорт Мадриднинг «Реал» клубига ўтишга тайёр.

Журналист Мигель Серранонинг хабар беришича, 32 ёшли футболчи «қироллик клуби»га ўз номзодини таклиф қилган. «Атлетик» тажрибали марказий ҳимоячи учун тахминан 25 миллион евро талаб қилмоқда. Бироқ маълумотларга кўра, «Реал» раҳбарияти ҳозирча бундай трансфер вариантни жиддий кўриб чиқаётгани йўқ.

Аввалроқ Эмерик Лапортга Ла Лиганинг яна бир гранди – «Барселона» томонидан ҳам қизиқиш билдирилгани ҳақида хабарлар тарқалган эди. 19 июль куни футболчи Испания терма жамоаси таркибида жаҳон чемпиони бўлиши мумкин – финалда рақиб Аргентина терма жамоаси бўлади.