Испания терма жамоаси таркибида ўзгариш. "Барселона" ҳимоячиси жароҳат олиб, сафдан чиқди

"Барселона" ҳимоячиси Иньиго Мартинес тиззасида муаммо юзага келди ва Испания терма жамоаси таркибидан чиқарилди. 
 
Гап шундаки, "Атлетико"га қарши қийин кечган баҳсдан сўнг Мартинес ўзини яхши ҳис қилмаган. Дастлабки текширув натижаларига кўра, футболчининг ўнг тиззасидаги мениск атрофида яллиғланиш – перименискит аниқланган. Фулбекнинг ҳали ҳамон қачон сафга қайтиши номаълумлигича қолмоқда. 
 
Испания терма жамоаси бош мураббийи Луис де ла Фуэнте унинг ўрнига “Борнмут” ҳимоячиси Дин Хейсенни чақирди. 
 
Маълумот ўрнида, Испания 20 ва 23 март кунлари Миллатлар лигаси чорак финалида Нидерландияга қарши ўйин ўтказади.