Испанияда Винисиуснинг майдондан ҳайдалиши қаттиқ танқид қилинди: «Реал» уни сотиши шарт»

«Реал» ва «Вильярреал» ўртасидаги учрашувда (1:0) Винисиуснинг майдондан четлатилиши Onda Cero журналисти Мигель Серранонинг кескин танқидига сабаб бўлди.

Мутахассис бразилиялик футболчининг хатти-ҳаракатларини танқид қилиб, мадридликларни уни жамоадан кетказишга чақирди.

«Винисиусга ачинолмайман, чунки у қайта-қайта бир хил хатоларни такрорлайди. Бир пайт келиб, сабр-тоқатим тугади. Менимча, Винисиус Мадридда қолмаслиги керак. Клуб уни сотиши шарт», — деди Серрано.

Эслатиб ўтамиз, Винисиус «Вильярреал» футболчисининг сочидан тортиб, яна бир можарога сабаб бўлди. Ҳакам дастлаб бразилияликнинг қоидабузарлигини пайқамади. Бироқ VAR орқали вазиятни қайта кўриб чиққач, футболчига қизил карточка кўрсатди.