
Italiya terma jamoasi Finalissima uchun yangi libosini e’lon qildi (foto)
"Skuadra Adzurra" 2022/23 yilgi mavsum uchun libosini ijtimoiy tarmoqlarda e’lon qildi. Italiya terma jamoasi Argentinaga qarshi o‘yinda ushbu libos bilan harakat qiladi.
Terma jamoa liboslarini "Puma" brendi ishlab chiqargan. Italiya 2003 yildan beri Germaniya brendi bilan xamkorlik qilib keladi.
Eslatib o‘tamiz, Finalissima Janubiy Amerika va Evropa chempionatlari g‘oliblari o‘rtasidagi bahs hisoblanadi. Bu galgi uchrashuvda UEFA Evro-2020 g‘olibi Italiya va Amerika Kubogi-2021 g‘olibi Argentina terma jamoalari ishtirok etadi. Bellashuv 1 iyun kuni Toshkent vaqti bilan 23:45 da start oladi.
Fikrlar