Италия терма жамоаси собиқ юлдузи терма жамоага қайтишга тайёр

Италия миллий терма жамоаси ва ПСЖ клуби собиқ ҳимоячиси Марко Верратти терма жамоага қайтишга яқин турибди. 

Италия терма жамоаси бош мураббийи Женнаро Гаттузо Жаҳон чемпионати саралашининг муҳим ўйинлари олдидан таркиб танлашда бироз қийинчиликка дуч келмоқда. Мутахассис терма жамоадаги фаолиятини якунлаган Марко Верраттини таркибга қайтармоқда. Бу масалада футболчи ва мураббий ўртасини мулоқот бўлиб ўтган ва ҳаммаси ижобий тарзда якунланган. Айни вақтда Қатарнинг "Ал-Араби" клубида тўп тепаётган Верраттининг ўзи ҳам миллий терма жамоага қайтишга ва бўлажак ўйинларда ватани шарафини ҳимоя қилишга тайёр эканини билдирган. У жорий мавсумда 15та учрашувда майдонга тушиб, битта гол урди ва 4та голли узатмани амалга оширган. 

Эслатиб ўтамиз, Италия терма жамоаси плей-офф ярим финалида 26 март куни Шимолий Ирландияга қарши майдонга тушади. Ушбу жуфтлик ғолиби 31 март куни Уэлс ёки Боснияга қарши ҳал қилувчи баҳсда иштирок этади.