Италия терма жамоаси тарихида бунақаси илк бор содир бўлди

Италия терма жамоаси ўртоқлик ўйинида Чехияни 4:0 ҳисобида енгди.

Эътиборлиси, "Скуадра Адзурра" кетма-кет 8 та ўйинда ўз дарвозаси дахлсизлигини сақлаб қолган ҳолда ғалаба қозонди. Opta нашри тарқатган хабарга қараганда, бундай ҳолат Италия терма жамоаси тарихида илк марта содир бўлмоқда.

Бундан ташқари, Италия терма жамоаси қаторасига 27 ўйиндан буён мағлубият нималигини билмаяпти. Роберто Манчини шогирдлари яна 3 та ўйинда мағлубиятга учрамаса, 1939 йилда ўрнатилган тарихий рекордни такрорлаши мумкин.

Италия терма жамоаси “Евро-2020”нинг “А” гуруҳидан жой олган. Улар гуруҳ босқичида Швейцария, Туркия ва Уэльс терма жамоаларига қарши баҳс олиб боради.

Матнда хатолик топсангиз, ўша хатони белгилаб, бизга жўнатинг (Ctrl + Enter)