Италиянинг энг зўр тўпурари қачон фуболдан кетишини айтди

Якунланган мавсумда А Серияда 36 та гол уриб, Европа тўпурларлари баҳси ғолиби сифатида “Олтин Бутса”га эга чиққан Чиро Иммобиле футболдан қачон кетишини маълум қилди.

- Мен “Лацио”да фаолиятим охиригача қолмоқчиман. Шартномана яна уч йилга тузаман. 2025 йили 35 ёшни қарши оламан ва фаолиятимни тўхтатаман. “Лацио”га келгунимча “Наполи” билан кўп музокара олиб борганман. Лекин бир тўхтамга кела олмаганмиз. Мен Неаполда туғилганман ва бу шаҳарни яхши кўраман. Бироқ “Лацио” менга бебаҳо нарсаларни туҳфа этмоқда, - деди Иммобиле.

Чиро Иммобиле тўпурарлар рақобатида 34 та гол урган “Бавария” ҳужумчиси Роберт Левандовски ва 31 та тўп киритган “Ювентус” етакчиси Криштиану Роналдуни ортда қолдиришга муваффақ бўлди.

 

Матнда хатолик топсангиз, ўша хатони белгилаб, бизга жўнатинг (Ctrl + Enter)