Иван Бошкович: "Жиззахда чемпионликка мос жамоа тузмоқчимиз"

Cоcа-Cоlа Суперлига 18-турида сафарда “Металлург”га мағлуб бўлган “Сўғдиёна” клуби устози Иван Бошкович мағлубият сабаблари ҳақида фикр билдирди.

“Албатта, биз учун кутилмаган натижа. Дарвозамангдан учта гол ўтказиб юбориш – бу ёқимсиз албатта. Аввалги ўйинда барча эҳтиросларимизни сарфлаб юбордик шекилли. Аммо олдинга интилишда давом этамиз. Бироз дам олиб кейинги ўйинга тайёргарлик бошлаймиз.

Ҳар бир рақибга қарши кучли тайёргарлик кўрамиз. “Металлург”га қарши ҳам яхши тайёргарлик кўргандик. Уларнинг кучсиз томонлари борлигини билардик. Уларни таҳлил қилган эдик. Бизда ҳам кучсиз томонларимиз бор. Албатта мағлубиятни таҳлил қиламиз.

Жиззахда чемпионлик учун курашадиган, чемпионликка мос бўлган жамоа тузмоқчиман. Мақсадим шу”, - деди Бошкович.