Иван Ракитич: Мақсадимиз Эриксен ва унинг жамоадошларини тўхтатиш

Хорватия терма жамоаси ярим ҳимоячиси Иван Ракитич нимчорак финалда Данияга қарши бўлиб ўтадиган учрашув олдидан ўз фикрларини билдириб ўтди.

“Бу жуда кучли рақиб. Данияда узоқ муддатдан бери давом этиб келаётган мағлубиятсиз серия мавжуд. Улар кетма-кет 18та ўйиндан буён ютқазишмаяпти. Бу эса биз учун жиддий қўнғироқ. Данияликлар юлдузли таркибга эга кучли терма жамоалар билан қандай ўйнаш лозимлигини яхши билишади.

Эриксен – дунёнинг энг зўр ярим ҳимоячиларидан бири. Бизнинг вазифамиз уни ва унинг шерикларини тўхтатиб қолиш”, - дейди Ракитич ФИФА расмий сайтига берган интервьюсида.

Матнда хатолик топсангиз, ўша хатони белгилаб, бизга жўнатинг (Ctrl + Enter)