Ivan Rakitich: Maqsadimiz Eriksen va uning jamoadoshlarini to‘xtatish

Xorvatiya terma jamoasi yarim himoyachisi Ivan Rakitich nimchorak finalda Daniyaga qarshi bo‘lib o‘tadigan uchrashuv oldidan o‘z fikrlarini bildirib o‘tdi.

“Bu juda kuchli raqib. Daniyada uzoq muddatdan beri davom etib kelayotgan mag‘lubiyatsiz seriya mavjud. Ular ketma-ket 18ta o‘yindan buyon yutqazishmayapti. Bu esa biz uchun jiddiy qo‘ng‘iroq. Daniyaliklar yulduzli tarkibga ega kuchli terma jamoalar bilan qanday o‘ynash lozimligini yaxshi bilishadi.

Eriksen – dunyoning eng zo‘r yarim himoyachilaridan biri. Bizning vazifamiz uni va uning sheriklarini to‘xtatib qolish”, - deydi Rakitich FIFA rasmiy saytiga bergan intervyusida.