Жаъфар Ирисметов Матич билан нега 5 ойлик шартнома тузилгани, Собирхўжаев ва Йўлдошевнинг легионерга айланиш имконияти ҳамда йиғин ҳақида муносабат билдирди

Ўзбекистоннинг амалдаги чемпиони – “Пахтакор” ҳам давралар оралиғидаги машғулотларини давом эттирган ҳолда бўлажак баҳсларга ҳозирлик кўрмоқда.

Таркибда айрим ўзгаришлар юз берганидан хабарингиз бор. Клуб спорт директори Жаъфар Ирисметов sports.uz сайтига бир қатор масалалар юзасидан ўз фикрларини билдирди.

“Хюистра жамоага 2-3 кун олдин қўшилди”

- Йиғинимизни асосан Қибрайда ўтказдик, ҳеч қаерга чиқмадик. Сабаблардан биттаси пандемия билан боғлиқ. Қибрай бизга жуда қулай. Машғулотларимизни бир маҳаллик режимда олиб бордик. Қолаверса, барча машғулотларимиз мен, Собир Ходиев ва Ласло Ямбор бошчилигида ўтди. Чунки бош мураббий билан ёрдамчиси бироз бетоб бўлгани сабабли тайёргарликнинг асосий қисмини ўзимиз ўтказдик десам ҳам бўлади. Албатта, ҳаммасини бош мураббий билан маслаҳатлашган ҳолда уни дастури бўйича ўтказдик. Питер Хюистра бизга икки-уч кун олдин қўшилди. Энди уни ўзи машғулотларни олиб боряпти. Йиғинимиздан кўнглимиз тўлди. Аммо ўртоқлик учрашувилари ўтказмадик. Бунга бош мураббийнинг йўқлиги сабаб бўлди.

ирисметов1

“Трансферлардан кўнглимиз тўлди”

- Трансферлардан кўнглимиз тўлди. Одил Ҳамробековни қайтардик, у билан 1,5 йиллик келишувга эришдик. Достон Ҳамдамовни ҳам қайтаришга муваффақ бўлдик. Ҳамробеков сингари Ҳамдамов билан ҳам 1,5 йиллик шартнома имзоладик. Ҳужумчига келсак, биз бу позицияга жуда кўп қидирдик. Бир нечтасини кўрдик. Қисқача қилиб айтсам, ҳужумчини бориб ўзини кўриб келиш муаммо бўлди. Нимага? Европа чемпионати ўтгани сабабли маҳаллий чемпионатлар тўхтатиб турилди. Шунинг учун ўйинчини бориб кўриш қийин эди. Боян Матични танлашимизни сабаби, у “Партизан”да ўйнаган. Ўйинларини видео орқали кўрдик. Жамоамизга мос келадиган ҳужумчи бўлгани учун Матич танланди. Тўғри, бу вазиятда катта таваккалчилик бор. Боя айтдим-ку, ҳамма жойда ҳужумчи масаласи муаммо. Ўзбекистонга Европадан ҳужумчи жалб қилиш қийин. Матич жамоамизда яхши ўйнаб кетади, деган умиддамиз. “Пахтакор”га қанчалик мослашиб кетишини вақт кўрсатади. Ҳозирча Боян Матич билан беш ойлик шартнома туздик. Ўйинлари билан бизга маъқул келса, унга яна яхши шартнома таклиф қиламиз.

ирисметов2_4

“Матич Черан каби яхши таассурот қолдиради, деб умид қиламан”

- Авваламбор, биз Игорь Сергеевни қайтаришга ҳаракат қилдик. Лекин уни “Тобол” клубига ўтгани сабабли “Пахтакор”га қайтариш имконияти бўлмади. Сергеев “Тобол” билан келишувга эришганди. Шунга қарамай, биз ҳам ҳаракат қилдик. Кейинчалик Матич номзодида тўхтадик. Ўйлашимча, бу ҳужумчи Дердийокнинг ўрнини босади. Бизга кучлироқ ҳужумчи керак эди. Юқорида айтдим, биз футболчини жонли равишда кўриб кела олмадик. Легионерлар ҳамма клубларда муаммо. Шу сабабли имкон қадар жойига бориб ўзимиз кўришни истаймиз. Масалан, Драган Черанни Ўзбекистон учун топ-легионер, деб ҳисоблайман. Ҳозирги кунда Марко Станоевич ҳам “Насаф”да ўзини кўрсатяпти. Қолган легионерлар бўйича саволлар кўп. Мухлисларимиз битта нарсани тўғри тушунишларини хоҳлардимки, легионер олаётганда уларни Ўзбекистонга жалб қилиш қийин. Нимага яхши савиядаги легионерларни олиб келмаймиз, деган саволлар ва танқидлар кўп бўлади. Хорижлик яхши футболчини танлаётганда фақатгина бизни хоҳишимиз роль ўйнамайди, уларни ҳам хоҳиши инобатга олинади. Мана шу жараёнларни ҳам ҳисобга олиш керак. Биз ҳам яхши легионерларни олиб келишни хоҳлаймиз. Аммо аксарият ҳолатларда 28-30 ёшдан юқори бўлган ўйинчилар келади. Ёшроқ футболчилар кўпроқ Европада тўп суришни хоҳлайди.. Қолаверса, 30 ёшдан ошган ўйинчилар ҳам кўпроқ Саудия Арабистони, Қатар, БАА сингари чемпионатларга боришга ҳаракат қилади. Чунки у ерларда маблағни бизга нисбатан 2-3 баробар кўпроқ тўлашади. Шунинг учун легионер муаммоси “Пахтакор”да ҳам, бошқа клубларда ҳам бор. Боя айтганимдек, легионерни бориб кўриш қийин. Аввало ҳамма жойда пандемия. Футболчини йиллар давомида кузатиш керак. Аммо шунга яраша биз кимнидир анча вақт кузатсагу, кейин уни қўлга кирита оламизми? Масалан, “Барселона” ёки “Реал” кимнидир ёқтирса, уни 2-3 йил кузатади, кейин таклиф қилади. Бизда бундай имконият йўқ. Бизга югуриб келгани “Барселона” эмасмиз. Клубларни тўғри тушунаман, барчаси хорижлик ўйинчини таклиф қилаётганида катта таваккалчилик билан оладилар. Боян Матич “Пахтакор”да Черан каби яхши фаолият кўрсатади, деб умид қиляпмиз.

ирисметов_3

“Рашидовнинг ўрнини тўлдирдик, аммо Йўлдошев кетса...?!

- Сардор Рашидовнинг кетиши бизга йўқотиш бўлди-ю, аммо унинг ўрнини Достон Ҳамдамовни қўлга киритиш орқали тўлдира олдик. Агар Иброҳимхалил Йўлдошев кетадиган бўлса, уни ўрнини қоплашимиз қийинроқ бўлади. Чунки чап қанот ҳимоячилари шорт-листимизда йўқ. Бу борада битта вариантимиз бор. Мабодо, Йўлдошев кетадиган бўлса, шу вариант бўйича футболчини олишга ҳаракат қиламиз.

ирисметов4_1

“Собирхўжаев ўзимизга ҳам керак”

- “Пахтакор”да деярли барча ўйинчиларимизга таклифлар бор. Ўзбекистон клублари ҳам кўплаб таклифлар билан чиқишади. Асосан Сардор Собирхўжаевга четдан жиддий қизиқиш бўлди. Мана, Сардор Рашидовга таклифлар бўлганди, у кетди. Тўғриси, Собирхўжаевни жамоамизда сақлаб қолишни хоҳлаяпмиз. Ҳозир музокаралар олиб боряпмиз, насиб қилса кейинги йилга у билан шартномани узайтириш ниятимиз бор. Гапнинг очиғи, Сардор Собирхўжаев бўйича бошқа клублар билан гаплашишни ҳам хоҳламадик. Бу футболчи ўзимизга ҳам керак. Шартнома тугаётган бўлса ҳам бош мураббий уни қолишини истади. Шунинг учун унга бўлган таклифларни ҳатто кўриб ҳам чиқмадик. Собирхўжаевга Осиёнинг яхши клублари таклифлар билан чиқишди.

ирисметов6ъ

“Чемпион бўлиш осон, уни ҳимоя қилиш қийин”

- Ҳамма бизга асосий рақиб. Эскитдан барча билади, “Пахтакор”га қарши клублар 2-3 баробар қўшимча куч билан ўйнайди. Чемпионликка келсак, биринчи бешликда бораётган жамоалар курашади деб ўйлайман. “Насаф”, АГМК... “Сўғдиёна” бу йил анча барқарор ўйин кўрсатяпти. Бу ёқда “Қизилқум” ҳам бор. Жамоамизни кучсизланиб қолди, дейишим қийин. Негаки, таркиб ўзагини сақлаб қолдик. Достон Ҳамдамов билан Одил Ҳамробеков қайтганидан кейин янада кучайдик деб ҳисоблайман. Умуман олганда, таклиф қилган уч нафар ўйинчимиз жамоани кучайтиради. Ҳозир ҳамма клублар кучайяпти. Чемпионатнинг иккинчи қисми ҳам биз учун қийин ўтади. Икки йил кетма-кет чемпион бўлдик. Чемпион бўлиш осон, уни ҳимоя қилиш қийин, деб бежизга айтмайдилар.

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию
&
Турсун Ғани
28/07/2021 23:29
БУ МАТИЧЛАРИНГ ҲАЪ КЎРИНИШИ ПЎКАКДЕК, ЛЕКИН ДЕРИЁКДЕК ИЧИ БЎМ БЎШ БЎЛМАСА БЎЛГАНИ ИШҚИЛИБ.
СИЗЛАР УНГА ИШОНМАЙСИЗЛАР ВА ШУНИНГ УЧУН 5 ОЙЛИК ШАРТНОМА ҚИЛАСИЗЛАР ЖАФАР ТОҒО....
&
Ашуров Бахтийор
29/07/2021 06:46
Оғзи куўган қатиқни ҳам пуфлаб ичади.
&
Турсун Ғани
30/07/2021 09:50
ОФАРИН
&
Shaymardonov Nurbek Nasimovich
28/07/2021 23:26
eng kulgulisi unoqa bulsa hali Sugdiyona uyinchilari ham 5 talariga jazo qullasa kerak chunki yosh bachalarga ochiqchasiga qupol uynagani uchun. uta kulgum kelapti vaqtiga Pahtakor Davron Hoshimov 3 marta tashlandi. Shohruh Gadoevka. Ravshan Ermatov hech narsa kursatmadi. ohiri 4 marta bir hil joyga bulmasa yana qupol uynadi. uyinchi. oyogi sinib ketdi. bunchalik kup uyin jazo bermovdi. PFL ishchilari rosa yigilib olib. ustimizdan. miriqib kulib yotkan bulsa kerak. Akmal Mazgavoy 1 ta uyin qatnashmaslik jazo bersa ham bulardi.
&
Турсун Ғани
28/07/2021 23:37
ТОҒО ФИКИРЛАР ЗЎР, ДАҲШАТ ЎҚИСА ОДАМ МАЗЗА ҚИЛАДИ, ЛЕКИН ШУ ФИКИР ВА МУЛОҲАЗА, ТАҲЛИЛЛАРНИ КИРЕЛ АЛИФБОСИДА ЁЗИНГ БУ ИЛТИМОС ЎРНИДА, СИЗДАН ФАҚАТ ИЛТИМОС, МЕН БИЛАН АСЛИ ТЕНГДОШСИЗ.
КИРЕЛЧА ЁЗИНГ МЕН ЎҚИЙМАН, ЛЕКИН ЎҚИШГА ВА ТУШИНИШГА ЖУДА ҚИЙНАЛАМАН ЛОТИНЧА ҲАРФЛАРНИ. КЎЗ О РИБ КЕТАДИ ЎҚИГАНЧА. ЛЕКИН СИЗНИ ФИКРЛАРИЗ МУҲИМ, ФАҚАТ КРЕЛЧА АЛФБОДА ЁЗИНГ ИЛТИМОС СИЗДАН ҲАРАКАТ ҚИП КЎРИНГ. ФАҚАТ НОТЎҒРИ ТУШУНИБ, НЕГАТИФ ФИКР ЁЗИШ БЎЛМАСИН А.
&
Турсун Ғани
28/07/2021 23:46
ФИКИРЛАРИЗ МУТЛОҚО ТЎҒРИ. МЕН ФУТБОЛ КЎРИБ, ФУТБОЛ ТАРИҲИДА ҲАЛИ ДАВРОН ХОШИМОВДЕК ҚЎПОЛ ЎЙНАЙДИГАН, АГРИССИФ ФУТБОЛЧИНИ КЎРМАГАН ЭДИМ. БУ ЖАРОҲАТЛАР ШОҲРУҲ ГАДОЕВНИНГ ФАОЛИЯТИГА БИР УМУР ТАЪСИР ҚИЛДИ.
&
Shaymardonov Nurbek Nasimovich
29/07/2021 02:28
tel urganib qolganman. qulga. lotincha yozmayman. lotincha qiynalmay yozaman telfonga. yoshim. 1986 yilman. tugulgan. 22 chi shu oy utdi. agar siz ham fudbol muhlisi bulsaz. sizga sabr. asap tizimizga. fudbol muhlisini asabi buziladi tez.
&
Турсун Ғани
29/07/2021 12:02
Тўғри, айниқса ўзбек футболи мухлисларига жуда қиейин. Чунуи умри азобда ўтади. Бизнинг жамоалар сабр тоқатни, кутишни яхши ўргатади ўз фанатларига. Нима ҳам қилардик чидаймизда бу захматлар ўткинчидар...деб.
Хозир олипда футболимиз бўлгандамиди... осиё жамоалар Франция, гондурасларни кўрдим демай ютмоқда. Бизникилар эса таътилда.
&
Shaymardonov Nurbek Nasimovich
28/07/2021 23:21
Bemolol shu yil ham chempion buladi Pahtakor. Nasaf uzi shundoq ham asta ohista oyogidan tortib quyishdi. bulmasa Nasaf Sugdiyona uyinidakiday holat qancha bulgan lekin hech qachon buncha jazo qullanmagan. Nasafni 2 asosiy uyinchilariga jazo berdi. Akmal Mazgavoyga 2 uyin utkazib yuboradi. bu degani. Loka Pahtakor qarshi uynamaydi. asosiy uyinchi tasafur qilavering. keyingisi Sherzod Nasrulloev. Sherzod uzi sungi yildaki eng kuchli qanot uyinchi tasafur qilapsizmi. Sherzod. 5 uyin utkazib yuboradi. Ayni Loka Pahtakor AGMK Metalurk Navbahor. endi bu yogini uziz. tasafur qilavering. yarim davra uynamaydi.