Жаҳон чемпионати. "А" Гуруҳи вакилларининг мундиаллардаги натижалари билан танишинг

АҚШ, Канада ва Мексика яшил майдонлари музбонлик қиладиган Жаҳон чемпионатининг  "А" гуруҳидан ўрин олган терма жамоаларнинг шу вақтгача мундиаллардаги иштироки билан танишинг.

"А" гуруҳидан мезбон Мексика терма жамоаси жой олган. Конкакаф вакиллари ушбу  мундиалга қадар, 17 марта Жаҳон чемпионатларида иштирок этган. Улар илк бор 1930 йилдаги дастлабки чемпионатнинг ўзида дебют қилган. Тарихдаги энг яхши натижаси эса чорак финал ҳисобланади. 1978 ва 1986 йилдаги ўзлари мезбонлигида ўтган турнирларда кучли 8таликдан жой эгаллаган. Сўнги турнирни эса гурух босқичидаёқ якунлаган эди. Жамоа етакчилари, Рафа Маркез, Андрес Гуардадо, Гильермо Очоа ҳамда Антонио Карбахаль 5 мартадан мундиалларда иштирок этган. Очоа бу галги турнирда ҳам жамоа таркибида бўлиши кутилмоқда. Энг яхши тўпурар эса Хавиер Эрнандес ҳисобланади. Унинг ҳисобида 4 гол бор. 

Гурухдаги иккинчи жамоа Жанубий Африка Республикаси. Қора қитъа вакиллари ўз тарихларида ўртинчи  марта мундиалда иштирок этади. Африкаликлар 1998 йилда Франция мезбонлик қилган Жаҳон чемпионатида дебют қилган эди. 2002 йилда Япония ва Корея мезбонлигида бўлиб ўтган мундиал ҳам Жанубий Африка терма жамоасисиз ўтмайди. Ундан сўнг 2010 йилда айнан ушбу юрт мундиални қабул қилади. Ушбу терма жамоанинг энг яхши ва энг ёмон натижаси ҳам гуруҳ босқичи хисобланади. 

"А" гуруҳининг 3- жамоаси Осиё қитъаси вакили Жанубий Корея терма жамоаси. Корейслар шу вақтга қадар, ўн битта Жаҳон чемпионатида иштирок этганлар. Улар 1986 йилда Мексикада бўлиб ўтган мундиалдан бошлаб, доимий тарзда турнирда қатнашиб келмоқда. "Осиё йўлбарслари"нинг энг яхши натижаси, 2002 йилда Япония ва ўзлари мезбонлигида ўтган турнирга тўғри келади. Ўшанда Жанубий Корея терма жамоаси мусобақанинг ярим финалигача етиб борган ва якунда 4-ўринни эгаллаган эди. Терма жамоа сафида Жаҳон чемпионатларида энг кўп ўйин ўтказган футболчи  Ҳонг Мюн-Бо ҳисобланади. У ўзи иштирок этган 4 та турнирда умумий 16 та учрашувда майдонга тушган. Тўпурарлар эса, Сон Хын Мин, Парк Жи Сун ва Ан Жон Хван ҳисобланади улар ҳисобида 3 тадан гол бор. 

Гуруҳнинг 4-жамоаси эса плей-оффдан сўнг аниқ бўлади. Саралаш босқичида, Шимолий Македония, Дания, Чехия ва Ирландия терма жамоалари кураш олиб боришади.