Жаҳон чемпионати. Бугун 4 нафар таэквандочимизга мухлислик қиламиз!

Яккакураш спорт мажмуасида (Тошкент, "Олимпия шаҳарчаси") таеквондо WТ бўйича ёшлар ўртасидаги Жаҳон чемпионатининг учинчи кунги баҳслари бошланмоқда.

Мусобақа дастурига кўра, бугун йигитлар -45 кг, -73 кг, қизлар эса -42 кг ва +68 кг вазн тоифаларидаги баҳсларда иштирок этишади. Унда юртимиз шарафини қуйидаги спортчилар ҳимоя қилишади:

Шоҳжаҳон Холмуродов (-45 кг) 
Ахаджон Мухторов (-73 кг) 
Зуҳра Измаилбаева (-42 кг)
Ситора Асророва (+68 кг).

14 апрель куни учун дастур вақтлари:

9:00 — 14:00 (Саралаш босқичи)
15:00 — 17:30 (Нимчорак ва чорак финал босқичи)
18:00 — 20:30 (Ярим финал ва финал босқичи).

Бу ҳақда Ўзбекистон таэквондо WТ ассоциацияси хабар бермоқда.