Жаҳон чемпионатига боролмадингми, айбни ўзингда!

“Манчестер Юнайтед” клуби афсонаси Рой Кин Англия миллий терма жамоаси ҳимоячиси Ҳарри Магуайрнинг жаҳон чемпионати учун қайдномага киритилмагани ҳақида фикр билдирди.

Томас Тухель эълон қилган 26 нафар футболчидан иборат якуний рўйхатда тажрибали Магуайрнинг йўқлиги энг катта кутилмаган қарорлардан бири бўлди.

Киннинг фикрича, бу ҳолат учун футболчининг ўзи айбдор.

- Агар сен 26 кишилик қайдномага ҳам кира олмасанг, бу сенинг муаммонг. Демак, мураббийни ишонтира оладиган даражада ўйин кўрсатмагансан.

Одамлар ҳар доим айрим футболчиларнинг четда қолганидан норози бўлади. Аммо агар сен 26 кишилик рўйхатга ҳам кира олмасанг, бошқани айблашнинг ҳожати йўқ. Айб ўзингда, - деди Рой Кин.