Жаҳон чемпиони фаолиятини "Ан-Наср"да давом эттиришга тайёр

Франкфуртнинг "Айнтрахт" клуби форварди Марио Гётце "Ан-Наср"га кўчиб ўтиш ниятида эканини айтди.

"Агар менга Саудия Арабистонининг "Ан-Наср" клубидан таклиф тушадиган бўлса, иккиланиб ўтирмасдан рози бўлардим. Сабаби у ерда Криштиану Роналду ҳам ўйнайди. Аммо бу ерда гап фақат битта клуб ҳақида эмас, балки бутун бошли чемпионат ривожланаётгани ҳақида кетяпти", - деди Гётце.

Марионинг франкфуртликлар билан меҳнат битими шу йилнинг ёзида якуни га етади ва эркин агентга айланади. Жорий мавсумда форвард умумий 25та учрашувда майдонга тушиб, ўз ҳисобига 2та голли узатмани ёздириб қўйган.

Эслатиб ўтамиз, Марио Гётце 2014 йилда Германия терма жамоаси билан Жаҳон чемпионлиги қўлга киритган эди. Финалда айнан унинг голи немисларга ғалабани тақдим этган эди.