Жаҳон кубоги. Яна уч боксчимиз финалга йўл олди!

Хабарингиз бор, 31 мартдан 5 апрелгача Бразилияда бокс бўйича Жаҳон кубоги мусобақаси бўлиб ўтади.

World Boxing ташкилоти кубогининг навбатдаги кунидан ярим финал жанглари ўрин олган. Ҳозиргача 4 нафар вакилимиз финал йўлланмасини ҳал этиб бўлганди. Яна 3 та боксчимиз ҳал қилувчи босқич олдидан учрашувларини ўтказди.

-55 кг да Миразизбек Мирзаҳалилов 5:0 ҳисобида Жосе Фелипе (Гватемала) устидан ғалаба қозонди;

-80 кг да Жавоҳир Умматалиев ҳакамларнинг якдил қарори билан Диас Молжигитов(Қозоғистон)ни мағлубиятга учратди;

-85 кг да Акмалжон Исроилов очколар бўйича Якуб Страшевски(Польша)дан устун келди.

Мазкур турнирда иштирок этаётган барча боксчиларимизнинг натижалари билан бизнинг сайт орқали танишиб боришингиз мумкин.