Жаҳондаги энг машҳур клуб номи маълум бўлди

Халқаро спорт тадқиқотлари маркази (CIES)  ижтимоий тармоқлардаги обуначилари сони бўйича энг машҳур спорт клублари рейтингини тузиб чиқди.

Унга кўра, “Реал” биринчи ўринга лойиқ топилди. “Қиролликк клуби”нинг расмий аккаунтларига 474 миллион киши обуна бўлган ва улар “Реал” ҳақидаги маълумотларни мунтазам кузатиб боради.

“Реал”нинг ашаддий рақиби “Барселона” бу рейтингда иккинчи ўринда қайд этилган. Каталонияликларнинг расмий аккаунтлари 427 миллион мухлисни бирлаштирган.

Умумий рейтинг қуйидагича кўриниш олди.

“Реал” (Мадрид) — 474 миллион обуначи;

“Барселона” - 427;

“Манчестер Юнайтед” — 234;

“Пари Сен-Жермен” — 199;

“Манчестер Сити” — 180;

“Ювентус” — 175;

“Ливерпуль” — 167;

“Челси” — 153;

“Бавария” — 149;

“Арсенал” — 114.