Кеча Ўзбекистон миллий терма жамоаси ва "Пахтакор" клуби аъзоси Жалолиддин Машариповнинг Европага йўл олиши мумкинлиги борасида турк нашри хабар тарқатганди.

Karadeniz газетаси "Трабзонспор" клубининг собиқ футболчиси Шота Арвеладзе бошқараётган "Пахтакор" клубидаги ярим ҳимоячи Жалолиддин Машарипов Европага йўл олишни ва "Трабзонспор" либосини кийишни хоҳлаётганини маълум қилганди. "Шерлар" футболчи учун Туркия клубидан 2 миллион евро сўраган. "Трабзонспор" эса Машарипов учун ҳар қандай пулни беришга тайёрлигини маълум билдирган, дейилади юқоридаги манбада.

Манба: Жалолиддин Машарипов Европага йўл олиши мумкин. Даъвогар клуб "Пахтакор" сўраган пулни беришга тайёр

Россия клублари Шомуродов учун сарфланган пулга Машариповни ҳам олишлари мумкин. Бироқ "Пахтакор" бунга кўнмайди

Эътибор қаратадиган бўлсак, "Трабзонспор" Туркия чемпионатининг амалдаги пешқадам жамоаси ҳисобланади. Клуб Суперлига 26-туридан сўнг 53 очко тўплаган ҳолда "Истанбул Башакшехир" билан қўшҳокимликни юзага келтирган. Агар жамоа мавсумни пешқадам сифатида якунласа, ЕЧЛга йўлланма олади. "Пахтакор" вакили Жалолиддин Машариповнинг трансфери амалга ошса у ҳам кўҳна қитъанинг энг нуфузли мусобақасида қатнашади.

Воқеалар ривожини кузатамиз.