Жанлуижи Доннарумма - "Манчестер Сити" футболчиси

Жанлуижи Доннарумма ПСЖдан "Манчестер Сити"га ўтди. Трансфер "шаҳарликлар" матбуот хизмати томонидан расман эълон қилинди.

Ўтган мавсумда Италия терма жамоаси аъзоси барча мусобақаларда 47 та ўйинда майдонга тушди, шундан 17 тасида у дарвозаси дахлсизлигини сақлади.

Доннарумма фаолияти давомида тўрт марта Франция чемпионлигини, икки марта мамлакат кубогини ва уч марта Суперкубокни қўлга киритган. ПСЖ таркибида голкипер Чемпионлар Лигасини ҳам қўлга киритди. "Милан" билан дарвозабон Италия Суперкубогини қўлга киритди ва терма жамоа билан Европа чемпиони бўлган.