Жанлука Ди Марцио: Шомуродов? У "Женоа" сотиб олган ўзбек футболчиси эканлигини биламан, холос

Италиялик машҳур журналист ва инсайдер Жанлука Ди Марцио яқиндагина "Женоа" сафига бориб қўшилган ҳамюртимиз Элдор Шомуродов ҳақида гапирди.

"Биз Шомуродов ҳақида деярли ҳеч нарса билмаймиз. Аммо менга маълум бўлишича, генуяликларнинг ўзбекистонлик ҳужумчиси, ҳақиқатан ҳам салоҳиятли. "Женоа" унинг бир неча йиллик фаолиятини ўрганиб чиққач, бу қадар катта сумма сарфлаганига ишонаман", - деди таниқли журналист.