Жаноб Перес, “Реал”га “Арсенал” суперюлдузини олинг!

Мавсумни совринсиз якунлаган Мадриднинг “Реал” клубида таркибини кучайтиришни кўзламоқда ва ярим ҳимоя чизиғига маҳоратли ўйинчи олиш масаласида изланишларни давом эттиряпти.

TEAMtalk хабарига кўра, клубнинг юқори лавозимли шахслари президент Флорентино Пересга “Арсенал” ярим ҳимоячиси Деклан Райсни сотиб олишни қатъий тавсия қилган.

Англиялик футболчи майдон марказини кучайтириш ва ҳужумкорлкн ошириш учун идеал вариант, деб ҳисобланмоқда.

Бироқ катта муаммо бор: “канонирлар” ўз юлдузини сотмоқчи эмас ва унга камида 116 миллион евродан ҳам кўпроқ нарх сўрайди. Уч йил аввал Райс “Вест Хэм”дан айнан шу суммага харид қилинган эди.

Transfermarkt талқинига кўра, Деклан Райснинг бозор қиймати 120 миллион еврони ташкил қилади. 27 ёшли футболчининг “Арсенал” билан шартномаси 2028 йилнинг ярмигача амал қилади.