Жароҳат олган Кайла Харрисон баёнот билан чиқди

Америкалик UFC жангчиси Кайла Харрисон бразилиялик Аманда Нуньесга қарши баҳс бекор қилинганидан кейин биринчи марта баёнот берди.

"Салом, болалар. Шунчаки ўзим билан нималар бўлаётгани ҳақида озгина гапириб бермоқчиман. Кеча Нью-Йоркда бўйнимни операция қилишди. Шундан сўнг жангни кейинга қолдиришимизга тўғри келади. Бундан жуда афсусдаман. Амандадан узр ҳам сўрайман. Ўзим ҳам бу тўқнашувни интиқлик билан кутгандим.

Шунингдек, қўллаб-қувватлаган барчага раҳмат. Менга, доктор Ди, Жен ва уларнинг бутун жамоасига яхши ғамхўрлик қилгани учун UFC га миннатдорчилик билдирмоқчиман. Болаларимга уйда қараб турган онамга раҳмат. 

Бугун тикланишнинг биринчи куни. Худонинг режаларини билмайман, лекин у менинг орзум нима эканини билади. Мен тез орада қайтаман", - деди Харрисон ижтимоий тармоқда эълон қилинган видеода (йиғи аралаш).