Жароҳати бор футболчи бизга керак эмас! - "Лейпциг" ҳужумчи трансферидан воз кечди

Ноа Окафорнинг "РБ Леипциг"га трансфери барбод бўлди. Бу ҳақда "Sky Sport" нашри хабар бермоқда.

Аввалроқ, немис клуби "Милан" ҳужумчисини 25 миллион еврога сотиб олиш ҳуқуқи билан ижарага олиши ҳақида хабар берилган эди.

Бироқ, "Sky Sport" журналисти Филипп Хинценинг ёзишича, "Лейпциг" тиббий кўрикдан сўнг 24 ёшли футболчи билан шартнома имзолашдан воз кечди. Швейцариялик футболчи яқин вақт ичида майдонга тушишга тайёр эмас - у оёқ мушаклари жароҳатидан тикланмоқда.

Маълумот учун, 24 ёшли футболчи жорий мавсумда А Сериянинг 11 та ўйинида майдонга тушиб, 1 та гол урди.