Жасур Алижонов: "MANGU лигасида масхарабозларга ўрин йўқ, бу фақат ҳақиқий жангчилар учун!"

Бугун "JW Marriot" меҳмонхонасида ММА бўйича Жасур Алижонов томонидан ташкил этилган "MANGU" лигасининг очилиш маросими бўлиб ўтди.

Тадбирда Алижонов, спортчилар ва бир қатор расмийлар иштирок этиб, журналист ва блогерлар томонидан берилган саволлларга жавоб берди.

Журналистлар: "MANGU" номи қандай келиб чиқди?

Жасур Алижонов: "MANGU" лигаси бобомиз Жалолиддин Мангуберди номидан олинди. Бунда нафақат миллийлигимиз, балки промоушен абадий давом этсин, деган ниятимиз ҳам акс этган.

Журналистлар: Мазкур лигада қандай жангчилар иштирок этади? Ҳаваскорларми ёки профессионаллар?

Жасур Алижонов: Лиганинг мақсади - ҳаваскор спортда натижа қайд этган жангчиларни ўзини яна-да намойиш этиши учун имконият яратиш. Бу ерда медиа-жангчиларга ўрин йўқ. Бу масхарабозлар лигаси эмас, "MANGU" - фақат ҳақиқий спортчилар учун!

Журналистлар: Лигадаги жанглар формати қандай бўлади ва нечта турнирдан сўнг чемпионлик камари эълон қилинади?

Жасур Алижонов: Барчаси худди UFC ники билан бир ҳил. Барча вазн тоифасида баҳслар ўтказилади. 4-5-турнирлардан сўнг чемпионлик камари учун жанглар эълон қиламиз.

Журналистлар: ATF Brave CF билан ҳамкорликда, BPL ММА Series билан биргаликда мусобақа ташкил қилмоқчи. Бу лига қайси промоушен билан ҳамкорлик қилишни режалаштиришган?

Жасур Алижонов: Биз фақат UFC билан ҳамкорлик қиламиз!