Жасур Жалолиддинов: "Мақсадимиз Ўзбекистонда футбол ўлмаганини исботлаш ва халқнинг муҳаббатини қайтариш!"

Эртанги Осиё Кубоги финали олдидан Ўзбекистон ОТЖ сардори Жасур Жалолиддинов ўз фикрлари билан ўртоқлашди:

"Ассалому алайкум! Мақсадимизгача 1 қадам қолди. Бунинг учун бор кучимизни берамиз. Олдиндан айтиб келдик. бизнинг мақсад фақат чемпионлик."

Эртага Осиё Кубогини, 2 йилдан сўнг Олимпиада йўлланмасини қўлга киритишимизга ишонаман!

Биринчи навбатда, рақибни ўрганиб чиқамиз. Биз ўзимизнинг ўйинимизни ўйинимизни уларга қарши қўя олишимиз керак. Бу финал! Шунинг учун унда ким гол уриши эмас, жамоа ғалабаси кўпроқ муҳимроқ.

Тўпурарлар пойгаси мен учун қизиқ эмас. Эртага бу совринни саудиялик футболчига бериб, кубокни кўтаришга тайёрман!

Агар индивидуал ютуқлар ҳақида ўйлаганимизда, бундай ғалабаларга эриш олмаган бўлардик. Бизда ҳамма жамоа ҳақида ўйламоқда. Ҳамма кўрди, ғалабадан кейин халқнинг қанчалар қувонганини.

Бизнинг асосий мақсадимиз Ўзбекистонда футбол ўлмаганини исботлаш, халқнинг футболга бўлган муҳаббатини қайтариш. Эртага финалда ғалаба қозониб, бошлаган эртагимизни якунлай қўйишни истаймиз".