Жасурни кўрикдан ўтказган клуб А Серияда ўйнайди

Италия чемпионатининг В Серияси баҳслари якунланишига етти тур қолганида Филиппо Индзаги бошқараётган “Беневенто” жамоаси юқори дивизион йўлланмасини қўлга киритди.

“Беневенто” тарихида иккинчи маротаба А Серияда тўп сурадиган бўлди.

Ушбу жамоа ўзбекистонлик истеъдодли футболчи Жасур Жалолиддиновни кўрикдан ўтказган эди. Жасур sports.uz сайтига берган интервьюсида италияликлар сафига қўшилиш имконияти борлиги, лекин ўйинчи сифатида ўсиши учун устозлари билан маслаҳатлашган ҳолда Москванинг “Локомотив” жамоасини танлаганини маълум қилганди.