"ЖЧ-2022"да офсайдни автоматик аниқлайдиган тизим ишга тушадими?

Hawk-Eye компанияси офсайд ҳолатини автоматик аниқлаш тизимини ишлаб чиқди. Бу ҳақда ФИФА маълум қилган.

The Times нашрида ёзилишича, янги тизимдан 2022 йил Қатарда бўлиб ўтадиган жаҳон чемпионатида фойдаланилиши мумкин.

Таъкидланишича, ишлаб чиқилган тизим офсайд ҳолатига бир зумда реакция билдиради ва бу ҳақда ҳакам ёрдамчисига (VAR) хабар беради. Кейин ҳакамнинг ўзи офсайд ҳолатига тушиб қолган футболчи учрашувнинг давом этишига халақит бериши ёки йўқлигини ҳал қилади.

Янги футбол қоидаларини ишлаб чиқаётган IFAB йиғилишида булар ҳақида ФИФАга батафсил маълумот тақдим этилади.