"ЖЧ-2026". "C" гуруҳида 2-тур учрашувлари якунланди

Бразилия терма жамоаси Жаҳон чемпионати 2-турида Гаитини 3:0 ҳисобида мағлуб этиб, "С" гуруҳида биринчи ўринга кўтарилди.

Карло Анчелотти шогирдлари икки турдан кейин 4 очко тўплаб, гуруҳ жадвалида пешқадам бўлиб турибди.

Иккинчи ўринни ҳам 4 очкога эга Марокаш терма жамоаси эгаллаб турибди. Жамоалар ўзаро учрашувда дурранг ўйнаган бўлса-да, тўплар нисбати бўйича бразилияликлар устунлик қилмоқда.

Учинчи поғонада 3 очко билан Шотландия жойлашган. Гаити эса икки турдан кейин ҳам очко жамғара олмади ва гуруҳнинг сўнгги ўрнини эгаллаб турибди.

Гуруҳ босқичининг ҳал қилувчи турида Бразилия Шотландияга қарши майдонга тушади. Марокаш эса Гаити билан куч синашади.