"JCh-2026". "H" guruhida Ispaniya peshqadam, 2 jamoada esa 2 ochkodan mavjud

2026 yilgi Jahon chempionati "H" guruhida ikkinchi tur uchrashuvlaridan so‘ng vaziyat yanada qiziq tus oldi.

Ispaniya terma jamoasi ikki turdan keyin 4 ochko jamg‘arib, guruh peshqadami bo‘lib turibdi. Ispanlar Saudiya Arabistoni ustidan 4:0 hisobidagi yirik g‘alaba orqali to‘plar nisbati +4 ga yetkazdi va pley-offga chiqish uchun juda qulay holatga ega bo‘ldi.

Ikkinchi va uchinchi o‘rinlarni mos ravishda Urugvay hamda Kabo-Verde egalab turibdi. Har ikki jamoa hisobida 2 ochkodan mavjud bo‘lib, to‘plar nisbati ham bir xil — 0.

Saudiya Arabistoni esa ikki turdan keyin 1 ochko bilan so‘nggi pog‘onada qolmoqda. Jamoaning to‘plar nisbati −4 ni tashkil etyapti.

Shu tariqa, Ispaniyadan tashqari qolgan uch jamoa ham pley-off uchun imkoniyatlarini saqlab qolgan. Guruhdagi so‘nggi tur uchrashuvlari yo‘llanmalar taqdirini hal qilib beradi.

H guruhi jadvali:

Ispaniya — 4 ochko (+4)
Urugvay — 2 ochko (0)
Kabo-Verde — 2 ochko (0)
Saudiya Arabistoni — 1 ochko (-4)