"ЖЧ-2026 саралаши". Қирғиз Республикаси - Ўзбекистон учрашуви қайси стадионда бўлиб ўтади?

Хабарингиз бор, Ўзбекистон терма жамоаси сентябрь ойида "ЖЧ-2026" 3-саралаши доирасида КХДР ва Қирғиз Республикасига қарши учрашувлар ўтказади. 

5 сентябрда "Бунёдкор"да Корея Халқ Демократик Республикасини қабул қилади. Беллашув 19:00да старт олади. Мазкур учрашув оманлик Аҳмед ал-Кафь бошчилигидаги ҳакамларга ишониб топширилди. Унга қанотларда Абу Бакар ал-Амри ва Рашид ал-Гаитий ёрдам беради. Қосим ал-Ҳатми захира ҳаками сифатида ишласа, Абдуллоҳ Жамолийга ВАР ишониб топширилди. 

Катанец шогирдлари 10 сентябрда Қирғиз Республикаси меҳмони бўлади. Мазкур баҳснинг Жалолободда ўтказилиши ҳақида хабарлар тарқалган эди. Бироқ Осиё Конфедерациясининг маълум қилишича, беллашув Бишкекдаги Долен Омурзаков номидаги "Спартак" стадионида бўлиб ўтади.