ЖЧ арафасида Мане жароҳат олди

"Бавария" ҳужумчиси Садио Мане Германия чемпионати доирасидаги "Вердер"га қарши учрашувини (6:1) якунлай олмади. Сенегаллик футболчи биринчи бўлимнинг 20-дақиқасида жароҳат олиб, майдонни эрта тарк этди. Унинг ўрнига Лерой Сане тушди.

Африкалик форварднинг жароҳати қанчалик жиддий эканлиги ҳозирча номаълум. Яқин орада Садио тиббий кўрикдан ўтади.

Эслатиб ўтамиз, ЖЧ-2022 ноябрь ойининг иккинчи ярмида бошланади.Мане бошчилигидаги Сенегал терма жамоаси илк ўйинни 21 ноябрь куни ўтказади. Африка қитъаси вакилининг рақиби Нидерландия бўлади.