ЖЧ саралаши. Қатар Афғонистон билан дуранг ўйнади, Тожикистон эса йирик ҳисобда мағлуб бўлди

ЖЧ саралашидан ўрин олган 5-тур учрашувлари ўз ниҳоясига етди. Қатар Афғонистон билан дуранг ўйнаган бўлса, Тожикистон сафарда Иорданияга мағлуб бўлди. 

Қатарликлар гуруҳда биринчи ўринни нақд қилгани учун иккинчи таркиб билан майдонга тушди ва 10 та зарба беришга муваффақ бўлди. Афғонистон ушбу 1 очко орқали 3-ўринга жойлашди. 

Иордания - Тожикистон баҳсида Олван ҳисобни очди, Ал-Наймат эса фарқни иккитага ошириб қўйди. Шундан сўнг Сами ўйинга нуқтани қўйди. 

Мазкур ғалабадан сўнг иорданияликлар 10 очко билан 2, Тожикистон эса 5 очко жамғарган ҳолда 3-поғонада қолди.