“ЖЧ–2026"да иштирок этадиган энг кучли терма жамоалар рейтинги эълон қилинди. Ўзбекистон нечанчи ўринда?

АҚШнинг CBS Sports Golazo нашри 2026 йилда бўлиб ўтадиган Жаҳон чемпионатида иштирок этадиган энг кучли терма жамоалар рейтингини рейтингини тузиб чиқди. Манба талқинига кўра, Испания дунёнинг энг кучли терма жамоаси сифатида эътироф этилди. Иккинчи ўринни амалдаги жаҳон чемпиони — Аргентина эгаллади. Кучли учликни эса Франция терма жамоаси якунлаб берди.

Шунингдек, кейинги ўринларда Бразилия, Англия ва Португалия терма жамоалари қайд этилди. Ўз тарихида илк бор Жаҳон чемпионати йўлланмасини қўлга киритган Ўзбекистон терма жамоаси ушбу рейтингда 40-ўринни банд этди.

Қуйида Осиё қитъаси вакилларининг рейтингда эгаллаган ўринлари билан танишиб чиқишингиз мумкин:

1. Япония — 14-ўрин
2. Жанубий Корея — 15-ўрин
3. Эрон — 20-ўрин
4. Саудия Арабистони — 26-ўрин
5. Қатар — 30-ўрин
6. Австралия — 33-ўрин
7. Иордания — 35-ўрин
8. Ўзбекистон — 40-ўрин

Маълумот учун, АҚШ, Канада ва Мексика мезбонлик қиладиган “ЖЧ–2026" мусобақаси келаси йилнинг 11 июнь куни старт олади.