"Женоа" клуби бош мураббийи иштирокидаги матбуот анжумани

Италия чемпионати 22-турида "Торино" - "Женоа" беллашуви бўлиб ўтади. Ўйин эртага Тошкент вақти билан 19:00да бошланади.

Учрашувдан олдин жамоалар бош мураббийлари иштирокида матбуот анжумани ўтказилди ва унда генуяликлар устози Давиде Баллардини ўйин борасида ўз фикрларини билдириб ўтди. Бу ҳақда gazzetta.it нашри хабар берди.

"Женоа"нинг кейинги беллашув учун қайдномаси эълон қилинди (Фото)

- "Торино"га қарши ўйин? Биз бу беллашувга барча учрашувлардаги каби қараймиз. Жамоа доимги ўйинини кўрсатишга ҳаракат қилади.

Мен қийин баҳс бўлишини кутяпман. Рақиб техник ва жисмоний томондан яхши тайёргарликка эга. Давиде Никола келгач, "Торино" футболчиларининг ҳаракатларида ўзгариш қилмоқда. Улар барқарорликка эътибор қаратмоқда. Биз ҳам ушбу ўйинга яхши ҳозирлик кўрдик ҳамда машғулотларда доимгидек ишладик.

"Женоа" футболчилари "Торино" бош мураббийи Давиде Николани яхши билиши эртанги баҳсда уларга қўл келадими? Мен бундай деб ўйламайман. Чунки барча ўзгаради. У ҳам ўзгаришлар қилганлиги аниқ. Шу боис эртага қийин ўйин кутяпман, - деди Давиде Баллардини.